Bartal setti nýtt føroyskt met

Persónliga avrikið hjá Bartali E. Eidesgaard var sera gott í kvøld, tá ið finalan í oyggjaleikunum í 100 metra bringusvimjing var á skránni.

Bartal setti nýtt føroyskt met við tíðini 1:00.51.

Tryggur vinnari var Filip Nowacki, sum umboðað Jersey. Hann kom á mál í tíðini 58.19.

Hin føroyski luttakarin var Jón Hofgaard, sum við tíðini 1:04.70 endaði á fjórða plássi.