Tað gekk heilt væl í bogaskjótingini í oyggjaleikunum í Orknoyggjunum í dag.
Úrtøkan var fimm gullkrónur og ein silvurkróna.
Bogaskjótisamband Føroya skrivar soleiðis:
Nikkel Petersen, Anja Eydnudóttir, Hans Petur Højgaard og bæði liðini vunnu gull, og
Jóannes Poulsen, sum hevði ein vánaligan 90-metur, kom alvorligt afturíaftur og vann silvur.
Øll hini – Pernille Krogh, Tóra Dinna Reynskor og Barbara Krossteig, sum blivu ávikavist nr 5, 7 og 12 hjá recurve-kvinnunum, Helena við Misá, sum bleiv nr 6 hjá compound-kvinnunum, Bárður Magnusson, sum bleiv nr 10 hjá recurve-monnunum, og Bogi Andreasen og Jógvan Niclasen, sum blivu ávikavist nr 5 og 6 hjá compound-monnunum – kunnu eisini vera stak errin av sínum avrikum, sum øll hava verið við til at tryggja báðar liðsigrarnar, skrivar Bogaskjótisamband Føroya.
