Hava vunnið gull og silvur í bogaskjóting

Bogaskjúttarnir eru í trimum finalum og tveimum bronsufinalum í dag í oyggjaleikunum í Orknoyggjunum.

Hjá monnum compound verður av álvara spenningur, tá Nikkel og Jóannes skulu í finaluhólmgongu – so her hava Føroyar longu tryggjað sær bæði gull og silvur. Bogi skal skjóta um bronsuna hjá compound-monnunum, so møguleiki er fyri, at tríggir føroyingar enda á sigurspallinum.

Hjá compoundkvinnunum er Anja í finaluni.

Hjá recurvemonnum er Hans Petur í finaluni, og hjá kvinnunum skal Pernille skjóta um bronsuna.