Kenda ferðamálið ‘Preikestolen’ (Prædikustólurin) í Rogalandi í Noregi, var stongt hósdagin.
Ein maður var dottin útav og tá hæddin er 604 metrar yvir Lysefjord, var eingin vón um at hann skal hava yvurlivað.
Umleið 100 fólk vóru eftir øllum at døma til staðar, tá hendingin fór fram tíðliga hósmorgunin.
Sambært løgregluni vóru nøkur fá av teimum vitni til hendingina.
Talan er um eina av kendastu fjallarutum í Noregi, og teinurin niðan er umleið átta kilometrar langur.
Vegna ringt veður bar ikki til at flúgva. Tí var løgreglan send upp til gongu.
