Heðin Mortensen, varaborgarstjóri er alt ikki imponeraður av, at Húsareynstunnillin hvørki er hóskandi at súkkla ella ganga ígjøgnum.
Hann kallar tað beinleiðis óansvarligt.
Heðin var sjálvur borgarstjóri tá verkætlanin bleiv samtykt, og sigur hann at býráðið als ikki hevur samtykt hesa verkætlan.
Ikki í tí líki sum hon sær út nú, tá tunnilin er liðugur og tikin í brúk.
Samtykt bleiv tá, ein tunnil við bæði súkkli- og gongubreyt.
Fram við Havnarvegnum eru breytir longu gjørdar til akkurát tað.
-Ferðsluætlan bleiv gjørd um alt hetta økið av arbeiðsgevara, okkara teknisku fyrisiting og av landsverk og politinum. Samtykt og avgreitt.
Skeltir vóru sett upp um alt hetta.
Dagin fyri at tunnilin bleiv tikin í brúk, blivu hesi skeltir tikin niður??
Tað er óansvarligt og ikki nakað sum eg standi inn fyri, skrivar Heðin á sínum Facebook-vanga í dag.
