Fýra mánaðir í fongsul fyri stórar mongdir av barnaporno
Dómurin er sagdur: Henrik Sass Larsen fer í fongsul.
Mánadagin endaði býarrætturin í Keypmannahavn sakarmálið móti Henrik Sass Larsen, sum varð skuldsettur fyri at hava stórar mongdir av kynsligum ágangstilfari móti børnum og eina ólógliga barnakynsdukku.
Henrik Sass Larsen er dømdur fýra mánaðar fongsulsrevsing. Tað avgjørdi ein samd dómsnevnd mánadagin í býarrættinum í KeKeypmannahavn.
Tað fyrrverandi ráðharrin og topppolitikarin í Sambandsflokkinum er dømdur fyri, er at hava ólógligt mynda- og videotilfar av kynsligum ágangi móti børnum.
Fýra mánaðir í fongsli var minsta revsingin, sum ákæruvaldið søkti um.
Henrik Sass Larsen varð eisini ákærdur fyri at hava havt eina barnadukku, sum ákæruvaldið helt vera bygd til kynsligt endamál.
Men rætturin kom fram til, at ikki nóg nógv prógv vóru løgd fram fyri pástandinum um dukkuna.
Politistarnir sum vóru heima hjá Henrik tá hann var ákærdur, toku mynd av úrlætnu dukkuni í vaskitoys-kurvini hjá honum, men tóku ikki dukkuna við sær sum bevís.
Dukkan er ikki at finna í dag, og tí var Henrik Sass Larsen frídømdur fyri tann partin av ákæruritinum.
Forsætisráðharrin Mette Frederiksen, vildi ikki úttala seg um málið, tá hon bleiv spurd fyri nøkrum mánaðum síðani.
Men hon segði seg tá vera skelkaða, eins og øll onnur á Christiansborg.
Enn er ikki komin nøkur almen reaktión frá henni um dómin.
Mynd: Ólafur Steinar Gestsson, Scanpix
Mynd: Ólafur Steinar Gestsson, Scanpix
Sí Ráðharri ákærdur og
Sass Larsen í býarrættinum
