Coca-Cola við rørsukur

Amerikanski forsetin, Donald Trump, skrivaði fyri nøkrum døgum síðani á sínum sosiala miðli, Truth Social, at hann hevði yvirtalað Coca-Cola at brúka rørsukur í sínum amerikansku vørum.

Síðani boðaði drykkjuvørubólkurin týsdagin frá, at tey ætla at koma við eini vøru í ár, sum verður grundað á rørsukur, skrivar The Guardian.

Coca-Cola, sum verður selt á amerikanska marknaðinum, brúkar oftast maissiropp til at geva drykkinum sín søta smakk.

Rørsukur er sukur sum alt annað og tí ikki sunt, men hóast alt er tað betri og sunnari enn maissiroppur.

Maissiroppur er undir illgruna at gøða kreftkyknir, so tær vaksa og spreiða seg enn, skjótari.

Harumframt kann tað eisini skjótari elva til diabetes.